Ջասթին
Բիբեր` կանադացի փոփ երգիչ, դերասան, երգերի հեղինակ: 2010 և 2012 թ -երին
արժանացել է “Ամերիկայի լավագույն երգիչ” կոչմանը: Այսօր Բիբերը համարվում է ԱՄՆ-ի
ամենաշատ վարձատրվող երգիչներից մեկը` վերջին մեկ տարում վաստակելով 55 միլիոն
դոլար: 2013 թ-ի տվյալներով նա համարվում
է “Twitter”-ում ամենաշատ հետևորդներ ունեցող արտիստը (ունի 46. 469 .519
հետևորդ):
Մեր
օրերի աշխարհի ամենաճանաչված երգիչներից մեկը, միգուցե, անհայտ մնար իր բազմահազարանոց երկրպագուների
համար, եթե 2008 թ-ի փետրվարին “Youtube”-ում չներբեռներ Քրիս Բրաունի “With you”
երգի քավեր (cover) տարբերակը: Տեսանյութն այս պահի դրությամբ ունի 45
336 612 դիտում: Այս հոլովակին հաջորդեցին նաև այլ սիրողական տեսանյութեր,
որոնց շնորհիվ 14-ամյա պատանուն նկատեց ամերիկացի հայտնի մենեջեր և գործարար
Սքութեր Բրաունը, ով հետագայում դարձավ Բիբերի մենեջերը: Շուտով պատանին սկսեց
համագործակցել հանրաճանաչ երգիչ Usher-ի հետ: Հենց այդ պահից սկսած էլ Բիբերի առջև
բացվեցին հաջողության բոլոր դռները:
Սոցիալական ցանցի օգտատերերի մի մասը
տեսանյութեր է ներբեռնում պարզապես զվարճանալու համար, մյուս օգտատերերն էլ տեսանյութերը
դնում են իրենց տաղանդը ցույց տալու և, միգուցե, Բիբերի հաջողությանը հասնելու
նպատակով: Որպես օրինակ կարելի է նշել 21-ամյա ամերիկուհի Սառա Նիմիցին, որը “Youtube”-ում բավականին ճանաչված է իր հզոր ձայնի և հայտնի երգիչների երգերի քավեր տարբերակների շնորհիվ: Մասնագիտությամբ դերասանուհի Սառան “Youtube”-ում իր առաջին տեսանյութը ներբեռնել է 2008 թ-ին: Այսօր աղջիկն ունի 89 827 հետևորդ և 69 տեսանյութ, որոնցից ամենադիտվածը Ադելի “Rolling in the Deep” երգի քավեր կատարումն է: Այն ունի 7 722 245 դիտում:
Սառայի բոլոր տեսանյութերի ընդհանուր դիտումների քանակը հասնում է 14 550 694-ի: Համաձայնվեք, որ դիտումների նման քանակին կնախանձեին հայկական շոուբիզնեսի մի շարք ներկայացուցիչներJ
Ինձ
հետ զրույցում Սառան ասաց, որ իր հետևորդների մեծ մասը Հարավային Ամերիկայից են,
սակայն նշեց, որ նամակներ և հաճոյախոսություններ ստանում է աշխարհի տարբեր
երկրներում բնակվող մարդկանցից: “Երաժշտությունն ինձ համար արտահայտչամիջոց է: Այն
դարձել է իմ ապրելակերպը, և ես իմ ժամանակի մեծ մասը նվիրում եմ դրան, իսկ
համացանցը, պարզապես, հիանալի հնարավորություն ընձեռեց, որպեսզի ես կարողանամ
կիսվել իմ տեսանյութերով աշխարհի տարբեր ծայրերում բնակվող մարդկանց հետ: Օրինակ,
Դուք ապրում եք Հայաստանում, բայց “Youtube”-ի շնորհիվ նկատեցիք ինձ …"
Սառան նշում է, որ “Youtube”-ն իր առջև բազում հնարավորություններ է բացել, որոնցից ամենակարևորն իր համար այն էր, երբ 2011 թ-ին ամերիկացի հանրահայտ հաղորդավարուհի Էլլեն Դեջեներեսը նրան հրավիրեց իր հեղինակային` “The Ellen DeGeneres Show”-ին:
Սառան նշում է, որ “Youtube”-ն իր առջև բազում հնարավորություններ է բացել, որոնցից ամենակարևորն իր համար այն էր, երբ 2011 թ-ին ամերիկացի հանրահայտ հաղորդավարուհի Էլլեն Դեջեներեսը նրան հրավիրեց իր հեղինակային` “The Ellen DeGeneres Show”-ին:
“Youtube”-ից
աչքի ընկնող մեկ այլ կատարող պորտուգալացի Տիագո Բրագան է, որը սոցիալական ցանցում
ունի 15 944 հետևորդ: Տիագոն ներբեռնել է 101 տեսահոլովակ, որոնց դիտումների
ընդհանուր քանակը հասնում է 2 625 072-ի:
Ինձ
հաջողվեց կապ հաստատել նաև Տիագոյի հետ, որը նշեց, որ “Youtube”-ում գրանցվել է
2010 թ-ին, սակայն մինչ այդ էլ միշտ հետևել է սոցիալական ցանցում տեղ գտած
հետաքրքիր տեսանյութերին: “Միշտ էլ մեծ սեր եմ ունեցել երաժշտության հանդեպ: 2009
թ-ից սկսած հասկացա, որ ցանկանում եմ ավելի լրջորեն զբաղվել իմ սիրած գործով: Հենց
այդ ժամանակ էլ մտածեցի, որ կարող եմ երգել և տեսանյութերս ներբեռնել համացանցում
և այդպես կարող եմ զբաղվել իմ սիրելի գործով` առանց որևէ հեղինակավոր ստուդիայի
հետ պայմանագիր կնքելու”:
Տիագոն
նկատել է, որ իր երկրպագուների մեծ մասը ԱՄՆ-ից, Բրազիլիայից և Ֆիլիպիններից են:
Հենց այդ երկրներից է նա ստանում շատ մեկնաբանություններ: “Youtube”-ի արտիստը
ասում է, որ երաժշտությունն իր համար շատ կարևոր է, և այն պարզապես հոբբի չի կարող
կոչվել: Համացանցում տեսանյութեր տեղադրելով` Տիագոն ցանկանում է հասնել
համաշխարհային ճանաչման: “Այո՛, ես հավատում եմ, որ մեր օրերում հնարավոր է նման
ձևով հասնել ճանաչման: Որպես օրինակ կարող եմ նշել Ջասթին Բիբերին, Թայլեր
Ուորդին, Քոլբի Քայլեթին և Ալեքս Գութին: Նրանք պայմանագրեր են կնքել աշխարհի
ամենահայտնի ձայնագրման ստուդիաների հետ և ունեն երկրպագուների անհավանական մեծ քանակ”:
Տիագոն համոզված է, որ իր կյանքն այսօրվա նման հետաքրքիր չէր լինի, եթե “Youtube”-ում չներբեռներ իր տեսանյութերը. “ Ես պարզապես կշարունակեի մնալ այն ամաչկոտ տղան, ով երգում էր միայն իր սենյակում` խուսափելով կողմնակի մարդկանց ներկայությունից:
Վերջին
շրջանում “Youtube”-ում տեսանյութեր ներբեռնելը սովորական է դարձել նաև հայերի
համար: Համացանցի հայ օգտատերերի շրջանակներում մեկնաբանությունների լայն տարափ
առաջացրեց 17-ամյա Անժելա Մկրտչյանը, ով “YouTube” էր ներբեռնում իր մասնակցությամբ դիմահարդարման
դասընթացներ: Անժելան ունի 1270 հետևորդ և 7 տեսանյութ : Նրա տեսանյութերի
դիտումների ընդհանուր քանակը 238 745 է:
Անժելայի յուրաքանչյուր տեսանյութ քննարկումների տեղիք էր տալիս, իսկ կարծիքները հիմնականում բացասական էին: Նման մեկնաբանություններից վիրավորվելով` աղջիկը դադարեց համացանցում ներբեռնել տեսանյութեր, սակայն հենց այդ տեսանյութերի շնորհիվ Անժելային նկատեց “ԵՍ” ամսագիրը, որտեղ էլ աղջիկը սկսեց վարել իր սեփական էջը:
“Youtube”-ն
իր սիրած գործով զբաղվելու համար օգտագործում է նաև Սլավոնական համալսարանի
“կիրառական մաթեմատիկայի և ինֆորմատիկայի” բաժնի
ուսանողուհի, 19-ամյա Ալլա Իգիթյանը, ով սոցիալական ցանցում ունի 5
տեսանյութ և 1111 հետևորդ, իսկ նրա ընդհանուր դիտումների քանակը կազմում է 36 229:
“Երգն ու երաժշտությունն ինձ համար չափազանց կարևոր են, որպեսզի ես դրանք պարզապես հոբբի համարեմ: Մոտավորապես հենց առաջին հոլովակս տեղադրելուց հետո սկսեցի հաճախել վոկալի սիրողական պարապմունքների, ինչը շարունակում եմ անել նաև այժմ, քանի որ գիտեմ, որ աճելու դեռ շատ տեղ ունեմ”,-ասում է Ալլան, ով իր առաջին տեսանյութը տեղադրել է 2011 թ-ին: Դա Թայլոր Սվիֆթի “Superstar” երգի քավերն էր:
Ալլան նաև “Youtube”-ի այն հայ օգտատերերից է, ով համագործակցել է սոցիալական ցանցի մեկ այլ երկրի ներկայացուցչի հետ, որը նրա դեպքում պորտուգալացի Պեդրոն է, ով ևս իր տեսանյութերով կիսվում է ամբողջ աշխարհում համացանցից օգտվողների հետJ
“Պեդրոյի
ալիքը պատահական տեսա “Youtube”-ում: Նկատեցի, որ դաշնամուր է նվագում ու բեռնում է երգերի նվագակցություններ և մտածեցի,
որ կարող ենք համագործակցել: Մեկնաբանություն թողեցի նրա տեսանյութերից մեկի տակ և
նա պատասխանեց` նշելով, որ սիրով կհամագործակցի ինձ հետ: Հաջորդ օրն արդեն
ուղարկեց մեր երգի նվագակցությունը: Տեսահոլովակի իմ հատվածը նկարահանել է
եղբայրս, իսկ մոնտաժը կատարել է Պեդրոն”:
Ալլան
նշեց, որ սիրով կհամագործակցեր ամերիկյան գրեթե բոլոր “Youtube”-ի արտիստների հետ,
քանի որ իր կարծիքով նրանք ամեն ինչ ավելի պրոֆեսիոնալ ձևով են անում և աշխատում
են հետաքրքիր ու տաղանդավոր մարդկանց հետ: Ըստ Ալլայի այդպիսի արտիստներ են Թայլեր
Ուորդը, Քորի Գրեյը, Սառա Նիմիցը և այլք: Աղջիկը համոզված է, որ “Youtube”-ի
շնորհիվ կարելի է հայտնի դառնալ: “Կարելի է հայտնի դառնալ “PSY”-ի և Ռեբեկա Բլեքի
նման, այսինքն` մի փոքր ծիծաղելի իմաստով հայտնի, կարելի է Ջասթին Բիբերի նման
հայտնի դառնալ, այսինքն` հաջողակ լինել և նկատվել հանրահայտ պրոդյուսերի կողմից”:
Իսկ առանց որևէ պրոդյուսերի կամ լեյբլի օգնության
ճանաչման և հաջողության հասնելու համար Ալլան կարծում է, որ, պարզապես, պետք է բեռնել
համեմատաբար որակյալ երգեր և տեսահոլովակներ, լինել համակրելի և հետաքրքիր, բացի
սիրելի երգերի քավերները կատարելուց, պետք է երգել նաև շահեկան երգեր:
“Youtube”-ի
մեկ այլ հայ օգտատեր, որն իմ ուշադրությունը գրավեց Achale անունով գրանցված Անահիտն
է, որը համացանցում տեղադրում է իր ռեփ կատարումները: Անահիտն ունի 10 հոլովակ և
ընդհանուր առմամբ 4100 դիտում: Achale-ը նշեց, որ ռեփով զբաղվում է արդեն 5 տարի և
առաջին կատարումը, որը ձայնագրել և ներբեռնել է “Youtube”-ում, իր հեղինակային
“Շարժվիր առաջ” երգն է եղել:
Achale-ն
ասում է, որ իր տեսանյութերի տակ արված մեկնաբանություններն ունեն թե՛ դրական և
թե՛ բացասական բնույթ: “Այս դեպքում մենթալիտետը, իհարկե, շատ է խանգարում, սակայն
կան հարցեր, որոնց մասին կարող եմ խոսել միայն ռեփի, ոչ թե երգի միջոցով:” Նա կարծում է, որ համացանցի շնորհիվ հայտնի
դառնալ հնարավոր է. “Եթե աշխատանքդ լավ ես անում, լինի դա համացանց, թե
հեռուստատեսություն, անպայման կսիրվես”:
Անահիտը նշեց, որ իր համար ճանաչումից և լավ առաջարկներից ավելի կարևոր է, երբ անծանոթ մարդիկ իրեն գրում են, որ իր երգերն իրենց օգնել են կյանքի որոշակի հատվածներում:
:
“Youtube”-ի
տեսադարանը, իհարկե, հարուստ է բազում օգտատերերի բեռնած հոլովակներով, որոնց
բոլորին չեմ կարող անդրադառնալ մեկ հոդվածի մեջ: Նրանց օրինակը ցույց է տալիս, որ
եթե ցանկանում ես աշխարհին ցույց տալ, թե ինչ տաղանդավոր կողմեր ունես և դրա
շնորհիվ հասնես ճանաչման և հաջողության, եթե վստահ ես քո ուժերի վրա և համոզված
ես, որ տեսանյութդ ոչ թե ծիծաղ, այլ հիացմունք կառաջացնի, ուրեմն համարձակորեն
կարող ես օգտվել հայտնի և սիրված դառնալու այլընտրանքային միջոցից, որը կոչվում է
“Youtube”J
Սյունե Առաքելյան
Սյունե Առաքելյան
Shnorhakal em anchap Syune jan
ReplyDelete